Hello world!

Welcome to WordPress.com. This is your first post. Edit or delete it and start blogging!

مفجر ثورة التحديث….إمسك إرهابى

مفجر ثورة التحديث….إمسك إرهابى

بالأمس أنهيت شهادتى على العصر
فى موضوع الأخت الكريمة فراشة
إنت بتحب عبد الناصر والا بتكرهه؟وليه؟ ‏
وفيه ذكرت أن كاريزمة عبد الناصر
قد تصلح لخشبات المسارح
ولكنها لا تصلح لبناء دولة حريثة
وها هو أحمد عز (حركات!)
مع كل الإعتذار لبركوتا حركات
لاعب الكرة الشهير
محمد بركات
يعلنها بكل صراحة
وبدون الخوف من القبض عليه من فرق
مكافحة الإرهاب المحلية والعالمية
أن
جمال مبارك هو

مفجر ثورة التحديث

مطلوب حيا أو ميتا لإتهامه بتفجير ثورة التحديث


والآن هل نحن أمام ثورة حقيقية أم أننا أمام إنقلاب
كإنقلاب 23 يوليو 1952

نحن ما زلنا تحت حكم مبارك الأب

فكيف لأحمد عز أمين التنظيم
أن يطلق على مبارك الأبن
مفجر ثورة التحديث
فى حين أن مبارك الأب مازال حي يرزق

التوريث عينى عينك على المكشوف

You Tube

You Tube

ماهو أحمد زى الفل وورده مفتحه
وشياكه وأناقه ولباقه وشعره حرير
ومش حيصلع

يبقى فيها يعني لو
الحزب الوطنى
الد يمقر اطى
رشح أحمد عز (أحمد حركات)
كمرشحه
الوحيد
للإنتخابات الرئاسية 2011

وطالما أنه مفيش فايدة فى أن
الحزب الوطنى
الد يمقر اطى
يسيبنا نجرب حزب تانى يحكمنا
ولو بعد عشرين سنه من الآن

فما رأيك أنت
من تختار ليحكمنا الوريث جمال مبارك مفجر ثورة التحديث
واللى بدأها بعمل إرهابى
ألا وهو التفجير!

أم يكون المرشح
شخصية كاريزمية متحركة
كشخصية الملياردير
اللي بيعمل من الخردة حديد تسليح وبس
وأبنى بيتك وليك من أحمد عز
طن حديد مجانى
شوفوا الحنية

أنتخبوا المهندس أحمد عز
مرشحكم لرئاسة الجمهورية
2011

بدون توريث وبدون تزوير
أحمد عز
حيبقى رئيس

You Tube

You Tube

__________________

تريضوا تصحوا

أبواب الحرية المغلقة

لكن هو صحيح مفهوم الحرية
بيتغير بتغير العصور
في عصرنا إحنا
كنا بندور علي
حرية مصر
قبل ما بندور علي
حريتنا الشخصية
كان كل همنا نطرد
الإنجليز
من أرضنا
ونسترد حرية مصر الضايعه
وبعد ما خرجوا الأنجليز
ويدوبك حنشم ريحة الحرية
ونملي بيه صدورنا
جه الدور علي الإسرائيلية
علشان نخرجهم من أرضنا
في سينا
ويدوبك حنشم ريحة الحرية
ونملي بيه صدورنا

لاقينا نفسنا وقعنا في شباك
فخ جديد
بيسموه
الديمقراطية
وطلع الأسم مجرد أسم
طب إمتي حنشم
الريحة الحلوة للحرية
الخاليه من ريحة وهباب
وسخام السحابه السوده
أهو ده بحق وحقيقي
اللي لازم يكون هدفنا
وده اللي لازم نسعي إليه مع بعض
وهاتوا إيديكم معايا
علشان ندق باب الحرية
المقفول بالضبة والمفتاح

 

أعطني حريتي

أعطني حريتي

لا تكبلني بقيودك
أعطيك كل ما لدي
من فكر وإبداع

قيودك تخنقني
حتي في رحم أمي
كنت مقيدا في رحمها
لا أستطيع اللعب
وعندما خرجت من رحمها
مسكني الطبيب من رجليا
وهات يا ضرب علي مؤخرتي
أي ذنب أقترفته لأضرب هكذا
وفينك أنت يا جان بول سارتر
تشوف اللي جرالي


ومن يوميها
وحريتي في النازل يا عالم يا هوووو

ألعب مع الأولاد وبلاش تلعب مع البنات
ولما كبرت ورحت المدرسة
المدرس يضربني بالعصاية
وماما تقولي أوعي تتشاقا لأحسن أجيبلك العسكري
وبلاش تشوط الزلط والحجارة الجزمه حتبوظ
ومتقفشي علي الناصية
ومتعاكسشي البنات

ومن يوميها
وحريتي في النازل يا عالم يا هوووو

ولما خدت الثانويه العامه
وقلت أخش الفنون الجميله
قالولي هو أنت علشان إسمك جمال
وبيدلعوك جميل
يبقي لازم تخش الفنون الجميلة
إبن خالتي بتاع الهيئة العامة للتصنيع
حلف أن الخطة الخمسية محتاجه مهندسين
والمهندس جاي والمهندس جاي
ودخلت هندسة اسكندريه وأنا من شبرا مصر

ومن يوميها
وحريتي في النازل يا عالم يا هوووو

أحلوت اسكندرية وبنات بحري في عينيا
قلت ما بدهاش تبقي هندسه بحريه
بلاش الميكانيكا والكهربا
أبويا حلف أحول هندسة القاهرة
وعينيك ماتشوف النور
وعلي القومسيون الطبي
نقلوني القاهرة

ومن يوميها
وحريتي في النازل يا عالم يا هوووو

ولما كبرت وعجزت وقالولي في منتدي
عاوزك حتحل ليه مشكلة أسباب سرطان الأطفال
وهب لقيت نفسي هنا عندكم
وأستغربت الناس من أسلوبي الجديد عليهم
وعافرت في اللي ربني وهبهولي
من ضحك وفن وسياسة وطبيخ
ووسع سقف الحريه شويه
بعد ما أتقفل في وشي في الصحافه المصرية
وقالولي أقف عندك
في نهضة مصر
بعد نشرهم مقالي
الحل السحري في ١٥ خطوة
بعد ما كان في ١٩ خطوة
وكان ده يوم ١٦ فبراير ٢٠٠٥

ومن يوميها
وحريتي في النازل يا عالم يا هوووو

ورضيوا بمقالاتي في السكوت ممنوع
ولما تغير المشرف هناك وكان أسمه بالصدفه
محمد الشربيني

وجه مشرف جديد صاحبنا من بريد الأهرام
وأشهر صديق لكل الصحافه المصريه
بقي هو اللي يكتب وبس
والسكوت ممنوع
بقي
الكلام ممنوع

ومن يوميها
وحريتي في النازل يا عالم يا هوووو

شفتوا مشوار حريتي طويل أد إيييه

ومازال المشوار مستمرا طول ما هناك قلب ينبض
بالمره أنا كمان

__________________

تريضوا تصحوا

---

نهـــــــــر النيل وأنا

إذا كان هذا هو الحال بعد بناء السد العالى فماذا يا ترى كان سيكون الحال لو لم نبنى السد العالى فى الستينيات من السد العالى؟!

وأدينا بنينا السد بعد ما أممنا قناة السويس علشان خاطر عيون السد وكلنا
علقه فى 56 بسبب تأميمنا للقناة واللى كانت راجعه أكيد لمصر فى 69 زى ما
رجعت هونج كونج للصين بالضبط لكن نعمل إييه للبكباشى (المقدم حاليا أى نسر
ونجمة واحدة على كل كتف…عجبى!) عبد الناصر وقرارته العشوائية والمتسرعة وزى
مابيقولوا أول ماشطح نطح!

لا الكهرباء رخصت وبقت بـــ 9 مليم كما كانوا يروجون قبل وأثناء بناء هذا السد!

ولا الأرض زادت رقعتها الخضرا و الصحرا والمهندس جاي المهندس جاى

ونقص متوسط إستهلاك الفرد نقصا حادا رغم وجود المياه المخزونه فى بحيرة السد العالى (بحيرة ناصر سابقا!)

وزاد تلوث النهر رغم أن سمعته كان بيضرب بيها الأمثال "اللى يشرب من مية النيل أكيد حيرجعله تانى" والنهارده تغير المثل وبقى "اللى يشرب من مية النيل أكيد حيجيلوا إسهال ومش بعيد تيفود"

ولكن يا ترى من إييه كل ده؟!…لازم
أكيد من الوحشين جيراننا فى جنوب أعالى النهر هم اللى بيرموا كل قاذوراتهم
وكل زبالتهم وكل صرفهم الصناعى والغير صحى فى مياه النهر علشان كده أنخفض
متوسط نصيب الفرد المصرى من مياه النيل لكن هناك وما زال العذر الدائم
لحكومتنا الرشيدة يعنى نعملكوا إييه وأنتم يا مصرىين عمالين تزربوا عيال
كل ثانيه ومش كل 9 أشهر زى بقيه الناس فى كل العالم ده!

منهم لله كل اللى كانوا السبب
فى تدهور وفشل كل حاجه
كانت كويسه فى مصر


خد بالك قبل أن تشرب هذه المياه
يجب عليك أن تدرك الحقيقة المؤلمة التالية
أن سعر هذه الزجاجة
سعة 750 مللى ليتر فقط
هو فقط يا بلاش
28 جنيه مصرى فقط
متوفره فى جميع الفنادق المصريه
من فرنسا لمصر مباشرة
حصريا

وما أسواها دعاية لمياه نهر النيل
اللى كانوا بيضربوا بيه الأمثال!

اللى يفضفض ميخافشى واللى يخاف مايفضفضشى

الراجل ده حيجننى
فضفضة يا عالم يا هووووو يعنى
يعنى تفضفض عن نفسك
تفضفض عن اللى جواك
سيب نفسك وفضفض على راحتك
هو مش أحمد شوبير مش رياضى وسياسى فى نفس الوقت
طب لو مش مصدقين أسالوا بلدياته فى طنطا
وأسألوا الفضائيات اللى إشتغل فيها
يعنى يفضفض زى ما هو عايز وماحدش يقولوه لأ
وإحنا نفضفض فى قاعة الرياضة
يبقى حرام ده حتى قوانين المنتدى بتقول
الواحد يفضفض على مسئوليته
وأن هذه الفضفضة لا تعبر بأى صورة 6 فى 9
عن فضفضتها هيه
وواحد جدع قالها مش أنا طبعا
اللى يفضفض ميخافشى
واللى يخاف مايفضفضشى
و
الراجل ده حيجننى

قطر وطاش طب فين المشكله

الأهرام

الصفحة الأولى

الجمعة ٩ من شعبان ١٤٣٠ هـ ٣١ يوليو ٢٠٠٩ العدد ٤٤٧٩٧ السنة ١٣٣

الخبر الأول

مبارك يطمئن علي صحة المصابين بالتيفود
ويفتتح‏14‏ مشروعا بالبحيرة والإسكندرية
المشروعات تتركز في مياه الشرب والرعاية الصحية وتتكلف مليار جنيه
الرئيس يسلم عقود تمليك مساكن
لعشرة مواطنين في رشيد وكفر الدوار

في
إطار حرصه الدائم علي توفير الخدمات للمواطنين في كل أنحاء مصر‏,‏ افتتح
الرئيس حسني مبارك‏14‏ مشروعا جديدا بالبحيرة والإسكندرية‏,‏ في خدمات
الصرف الصحي ومياه الشرب والرعاية الصحية‏,‏ وتشمل هذه المشروعات تسعة
بالبحيرة‏,‏ وخمسة بالإسكندرية‏,‏ عبر الفيديو كونفرانس‏,‏ وبتكلفة
إجمالية قدرها مليار جنيه‏,‏ وقد استفسر الرئيس من الدكتور حاتم الجبلي
وزير الصحة عن حالة المصابين بالتيفود في القليوبية‏,‏ واطمأن علي استقرار
حالتهم الصحية وشفائهم من المرض الذي أصيبوا به بسبب تناولهم مياه

الخبر الثاني

القطار الطائش‏..‏ يثير الذعر في محطة الإسكندرية

تدخل
القدر لإنقاذ عشرات المسافرين في محطة مصر بالإسكندرية من موت محقق‏,‏
عندما خرج جرار قطار ركاب عن القضبان بسبب عطل في الفرامل‏,‏ فانحرف بشدة
مما تسبب في دهسه سيارة إسعاف كانت متوقفة علي جانب الرصيف‏,‏ كما تسبب في
هدم حائط مسجد صغير فوق رصيف المحطة‏,‏ قبل أن يتوقف عن اندفاعه الطائش‏.‏

سارعت
قوات الحماية المدنية والإطفاء وقيادات الأمن إلي محطة سكك حديد مصر‏,‏
وتم رفع جرار القطار والعربة الخلفية له‏,‏ وإزالة آثار الحادث‏.‏ وذكر
بيان لهيئة السكك الحديدية أن الحادث وقع في التاسعة صباحا بينما كان
القطار خاليا من الركاب‏,‏ ولم يؤثر في حركة سير القطارات‏,‏ وجار التحقيق
في أسباب الحادث‏,‏ الذي أسفر عن إصابة سائق القطار ومساعده وأحد
المواطنين‏.‏

التعليق: هل هناك علاقة بين الخبر الأول والخبر الثاني قصدي أقول فين المشكله هنا قطر وطايش ورئيس بيزور الأسكندرية فهل هي صدفة محضه إن قطر يطيش بهذه الطريقة المضحكه ؟! أم أن الموضوع أكبر من كده وهناك أوامر من جهات سيادية عليا لجعل الأمر مجرد قطر وطاش…..صحيح عالم مجنون مجنون!

فين المشكله